وحشتيني

وحشتيني

هو:: وحشتيني

هي :: وأنت أكثر

هو :: كل سنة وأنتي طيبة

هي :: ما أعرف شاقول

هو:: المهم تكونين طيبة

هي :: خليتني .. ورحت عني

هو :: تعرفين .. إنه مو بيدي

هي :: أدري .. لكن فراقك .. صعب .. وايد

هو :: أنا دايم معاج .. وحواليج

هي :: وأنت دايم معاي .. في عقلي وبالي وقلبي .. ليش تركتني

هو :: ردينا

هي :: شاسوي .. كل شي يذكرني فيك

هو :: انسي .. و عيشي حياتج

هي :: كيف .. وأنت مب معاي .. كيف اقدر..؟

هو :: بتقدرين .. تعرفين شقد احبج .. وشقد تهمني سعادتج

هي :: وانت بعد تعرف شقد احبك .. وما اقدر اعيش من غيرك

هو :: حبيبتي .. عمرج ما قصرتي معاي .. في صحتي .. وفي مرضي

هي :: و أنت عمرك ما خليتني محتاجة لشيء .. وحتى بعد ما رحت عني .. خيرك علي

هو :: لا تفتكرين في شي .. دايما راضي عنج

هي :: خاطري أكون معاك

هو :: بسم الله عليج .. أنا معاج دوم .. لا تحاتين

هي :: الحياة مب حلوة بدونك .. حياتي خلاص اختربت

هو:: الحياة حلوة وايد .. عيشيها .. وانسيني

هي :: اليوم عيد زواجنا .. وما اقول إلا الله يرحمك ويغفرلك .. يا حبيب العمر


كتبته .. بتاريخ 16/8/2008


عزيزة نفس