البيروقراطية الرقمية .. في بداية الدوام .. مع التحية

البيروقراطية الرقمية .. في بداية الدوام .. مع التحية

بدينا الدوام أمس ..
طبعاً مثل ما تعرفون .. بداية الدوام .. لازم الموظفين يسوون .. مباشرة العمل ..
وبما أن عالمنا صار .. رقمي / الكتروني .. صار لازم نسوي المباشرة الكترونياً في مكان العمل .. واللي هو موضوع عادي جداً وموجود في كل مكان ..

لكن ..
بالنسبة لي ولزملائي .. وشريحة كبيرة من الموظفين اللي داوموا قبل في الأسبوع الماضي .. محد قدر يسوي .. مباشرة الكترونية ..

ليش...؟لأن .. الصفحة المطلوبة .. واللي تتم فيها المباشرة .. إما مغلقة عن الموظفين .. أو كلمات المرور غلط .. عاد قلنا شخص أو اثنين .. ممكن تصيدهم هالحالة .. بس مب الكل ..

المهم ..
بعد .. ما صار حجي .. وروح وتعال .. مع (الهيومان ريسورز) .. وقسم الكومبيوتر .. قالوا اخذوا .. كلمات مرور جديدة ..
واستخدمنا الكلمات الجديدة .. وصرنا في منتهى السعادة .. بنباشر .. الصفحة فتحت .. اشكرك يارب. ..

المهم المباشرة الرقمية لها خطوات

أول شي

Update

وبعدين كم مرة

Next

وآخر شي

Submit

خطوات عادية

عاد .. لما وصلنا

Submit

شتتوقعون .. صار .. !!؟؟
طلع .. مب لي بس .. للكل بدون استثناء

Log Error

 

والأخير

محد .. باشر العمل .. رقمياً .. وقامت رئيستنا في العمل .. بالاستعاضة عن المباشرة الرقمية .. بالمباشرة الورقية .. كلنا سوينا مباشرة على الورق .. ولم ينجح أحد في المباشرة رقمياً.. واستغرقت هذه العملية اللطيفة من الساعة تسعة صباحاً إلى الثانية عشر ظهراً

احنا العرب .. ما نقدر نستغني عن البيروقراطية .. فسويناها .. في عالمنا الرقمي ..

بيروقراطية .. رقمية .. مع خالص التحية ..

نور العيسى
1/9/2008

تحديث

اليوم رحت الشغل .. والمفآجأة الكبرى

أن المباشرة الورقية لم تقبل .. والحل يا جدعان

قالوا :: خلاص ممكن تسوونها الكترونية .. صلحنا المشكلة

وابشركم

سويت المباشرة .. رقمياً

وبانتظار موافقة مسؤولي عنها

شفتوا الهنا اللي أنا فيه ..

يعني مباشرة رقمية / الكترونية

يدخل فيها البيروقراطية

ثلاث أيام للمباشرة

الله المستعان على باقي الشغل

نور العيسى

2/9/2008