صوتك .. يسحرني

صوتك .. يسحرني

صوتك يسحرني ..
يداعب جوفي .. ويتسرب لعظامي ..
يهز .. قلبي ..
فيتسارع نسمي ..
يصير ساخن .. وحنون ..
عاقل ومجنون
صوتك .. حار .. يخترق أذني ..
لين .. يهمز قلبي ..
كريم .. يشبع فكري ..
موسيقي يطرب أذني ..

كتابتك .. تشدني ..
وأوراقك .. تعجبني ..
كلمات من قواميس ..
معطرة بمجوهرات ..
ومعتقة .. بثمر عجيب ..

عجيب عجيب عجيب ..
سر.. ما قدرت استوعبه للحين ..
كيف ؟؟
صار افتتاني بك ..
ومتى؟؟
مب مستوعبة .. اشلون دخلت عالمك ..
دايما كنت واقفة على الباب ..
أقدم رجل .. واشيل رجل ..
لحد ما جيت احط رجلي ..
ما لقيت أرض ..
دخلت عالم .. جديد
غريب .. بس لذيذ ..
غامض .. بس جذاب ..
حس و إحساس .. ولون ..
أريج وعطر .. وعود ..
خلطة من غير هالزمان ..

فضولي .. شدني .. وتوغلت
في حدود مالها حدود ..
عالم موجود .. بس أحلام ..
امشي .. اعبر .. اطير .. وانام
وين راح حزني ..
وين راح الكلام ..
سهام .. تغز مخي ..
وعقلي .. متروس ..أفلام ..
أبيض واسود .. وألوان ..
كتبت الكلام .. بدون تفكير
وقلت اقولك .. خطير أنت خطير ..
حطيت حد للتصوير ..
وماعاد افكر .. بكرة .. إيش بيصير

عزيزة نفس

كتبته :: 4/7/2008