أزعّل .. بس بعد أراضي

أنا من الناس .. اللي يزعلون غيرهم .. من غير قصد ..

أزعل .. اللي أحبه .. أن كان من أهلي .. أو من ربعي .. أو من خلاني .

.وما يهون علي .. فأرجع .. أراضي اللي زعلته .. طبعا إذا اكتشفت إني زعلته

أسباب الزعل ممكن تكون .. لها جدية .. وممكن تكون .. ما لها سالفة ..

وإذا قريب لقلبي .. الشخص الزعلان .. حلوة لحظة .. لما نتراضى ..

أحس بالارتياح .. والهدوء .. وليش الهدوء ما أدري .. كأن هم وانزاح عن صدري ..

طيب كيف اتراضى .. مع اللي زعلان مني ..

بكلمة اعتذار .. الكبرياء والكرامة مالهم دخل فيها .. اخليهم على صوب

برسالة ..

بمسيج على الموبايل ..

بوردة ..

بعزيمة على عشا ..

أو روحة للسينما ..

في حلول كثيرة .. علشان .. ابين أسفي واعتذاري ..

وليش هذا كله ..؟

علشان أنا أحب .. هالشخص .. وأعزه .. وباقية عليه..

وأبغيه يصفى علي .. واصفى معاه ..

وأكون مرتاحة .. وشارية .. هدوئي وراحتي ..

ترى .. بالرضا .. ترجع السوالف والغشمرة والمواقف الحلوة .. والأناسة أكيد ..

لو فيه حد زعلان علي .. يقول لي براضيه ..

ولوفي حد زعلان عليكم .. راضوه ..

لحظة تراضي .. غالية جداً ..

مع بعض الناس .. تسوى الدنيا وما فيها ..

ولا رأيكم غير ..؟

عزيزة نفس
نور العيسى

من كتاباتي

5/4/2005