تسمية الشوارع والدوارات .. بين المنطق والعشوائية

فاقد الشيء لا يعطيه .. هكذا يقول المثل ..
شيء متكرر يومياً .. إلى درجة الغثيان ..
ما هي فلسفة تسمية الشوارع ..
وماهي خلفية التخطيط المنطقي للتسميات للشوارع والفرجان .. في الدوحة؟

سؤال .. محد يقدر يجاوب عليه ..

فعملية التنسيق في التخطيط .. تكاد تكون معدومة ..
وخالية من المنطق .. ولا يصلح وصفها بغير العشوائية ..


* *

من زمان وهالموضوع غاثني ..
على سبيل المثال وليس الحصر

المركز الطبي اللي اتبع له .. معروف باسم مركز عمر بن الخطاب ..
والاسم المتداول له هو مركز العسيري لأنه يقع في منطقة العسيري ..
هذا المركز .. يقع في شارع اسمه .. شارع علي بن أبي طالب

!!!!

بالذمة ما تتعجبون على التخطيط والتنسيق
يعني ليش ماسموا الشارع على اسم المركز الطبي ..
أو العكس .. ليش ما سموا المركز على اسم الشارع ..

محد عنده إجابه .. لأن المتفلسف اللي اختار الاسم .. ما عنده تخطيط ..
وقيسوا التسميات على هذا المستوى من العشوائية


* *

طيب ليش الموضوع أثار شجوني

باقولكم ليش

من تقريبا 5 أيام ..
تم تغيير اسم الدوار المعروف باسم دوار " التضامن" نسبة إلى محطة بترول التضامن الواقعة على الدائري الرابع
إلى دوار "دوار فريج العلي" .. طيب ليش؟؟

فريج العلي بعيد وماله علاقة بالمكان خير شر ..
هل التسمية جاءت بناء على تخطيط مسبق؟
هل يسكن المنطقة أحد أبناء أسرة العلي؟
أو اللي اختار الاسم هو من أسرة العلي ..
الله أعلم

أنا منزعجة .. لسبب أن هذا الدوار حيوي جداً ..
واليوم لو بتقول لأي شخص دوار فريج العلي .. بيسألك وين يعني؟؟
والأكثر من ذلك أن السائقين .. ممكن يتلخبطون ..
تقول دوار فريج العلي .. فيروح عكس الاتجاه 180 درجة .. مثل سوق العلي الواقع على دوار الجوازات .. وبيكون ضاع من قلب


محد في الدوحة .. أكاد أجزم لو قلت دوار التضامن ..
بيقول أعرف مكانه .. ولو قلت دوار فريج العلي .. بيقولك .. وين صاير هذا؟؟

شرأيكم .. مزودتها شوي

عزيزة نفس

19/11/2008