نشف ريجي

من الصبح خاطري في شاي بنعناع ..

نشف ريجي وأنا اطالع الشاي وما اقدر اشربه ..

ثلاثة أكواب وللحين ما شريت شي..

أول كوب شاي .. كان فاشل

لأن طعم الكلور في الشاي غير طبيعي ..

ثاني كوب شاي .. كان أفشل ..

لأن الشاي خلوه يطبخ لحد ما صار علقم ..

الثالث .. من تصنيعي .. للحين ماشربته ..

هو عبارة .. كوب ماي (ريان) حار .. وكيس شاي ربيع وشوية نعناع

تصدقون للحين ما شربته وأنا اكتب هالسطر .. ساخن وايد

لي حق ينشف ريجي .. ولا لأ ..

**

وعلى طاري الماي .. المستخدم في الشاي ..

معقول كم الكلور اللي فيه

هذا بعد مفلتر ..

تدرون كم فلتر عندي ..

فلترين ماي قبل ما يدخل الماي خزان بيتي ..

وفلتر على خزان السطح

وفلتر على حنفية المطبخ ..

وبعد طعم الكلور في الماي ..

**

خلو طعم الكلور ..

ليش أنا حاطة هالقد فلاتر ..

لأن الماي يبغي له تصفيه قبل الاستخدام

وتغيير الفلاتر يتم تقريبا كل 4 أيام اللي قبل خزانات الماي

وما بتصدقون ايش لونهم ..

**

السؤال اللي يطرح نفسه

ليش الماي به هالكثر شوائب ..

ولا بس يحطون فيه كلور .. وخلاص ولا حد يهتم بنظافته ..

بس ما عندي سالفة ..

بس متسببة شوي

بنت سيف

1/6/2009