يا راعي النت .. أحسن الظن فيه ..

تقول من جاها باقي العلم .. واعليه ..
هل كل من دخل النت .. هو بلية ..

عرب النت عندهم مشاكل عصية ..
هواش وخلاف وبلاوي عتية ..

صحيح هناك كثير من البنات هفية ..
لكن هناك أكثر .. من هي أبية ..

الشباب فيهم من يدور على "السبية" ..
والبنات يحطون نفسهم في مواقف غبية ..

علاقات مشبوهه تسوي مشاكل أسرية ..
وعلاقات طيبة تزيد الحياة هنية ..

شباب يوسوس بدون سبة ولا درية ..
وشباب بارك الله فيهم للحق وصية ..

بنات صغار سبايب في مشاكل جدية ..
وحريم حضورهم سليم في المية مية ..

أدب وأخلاق ومصدر معلومات ثرية ..
مصدر راحة وثقة وراحة بال هنية ..

النت عالم كبير ..و لوحة عجيبة و فنية ..
مشاكل وحلول ومعلومات وأخبار عالمية ..

اترك من تشوفه مصدر تعب وبلية ..
وماهو ضروري يكون تعاملك في خلية ..

احسم أمورك .. ولا تردد وخل مبادئك جلية ..
لاتفتكر في كل من كتب .. وتسوي قضية ..

كثير من الناس محترمة مالك عنهم غنية ..
وفيه عالم من الناس أمورهم دوم خفية ..

صحيح الحذر واجب .. مع حسن النية ..
لكن سوء الظن .. يشكك الأخ في خوية ..

رفيج في الحياة .. تقول جابته جنية ..
شداخات ومصايد وأكاذيب حيل فرية ..

ورفيج في النت ممكن يكون أحسن لقية ..
بدون ترتيب تلقاه وتحمد الله على العطية ..

يا راعي النت .. أحسن الظن فيه ..
مو كل من كتب .. كذب .. وسوا بلية ..

يا راعي النت .. أحسن الظن فيه ..
يا راعي النت .. أحسن الظن فيه ..


نور العيسى
21/8/2009