أنا ورفيجتي ..

أموري اشوي استعدلت .. وصرت أحسن من أول ..

أحاول اتواصل مع صديقاتي ..

أكثر من أول ..

عندي صديقة من أيام الطفولة والدراسة والجامعة ولليوم ..

سويت لها تلفون أمس .. وقررنا نروح اليوم نتغدى بره ..

بما أن هي عندها إجازة من الشغل بمناسبة العيد الوطني ..

أنا طبعا .. ما عندي مشكلة .. لأني ما اشتغل ..

المهم حجزت في لي نوتر في تقاطع رمادا .. الساعة 1.45 الظهر ..>> شوفوا الدقة ..

عند الشباك وقسم المدخنين ..

والسبب الشباك .. مب لأن احنا ندخن .. بس المكان أشرح ..

المهم مريت عليها ورحنا ..

يوم وصلنا .. إلا يقول الاستقبال .. ما عندي مكان .. وأنتو حجزكم الساعة 7.45 ..

شرايكم؟؟؟ >>> استهبال

الحين الطاولة عند الشباك فاضية .. بس هو نحيس ..

قلت آسفة عندك طاولة فاضية وانا اتغدى الظهر مب في الليل

إلا يقول .. اللي خذ موعدكم .. اللي يشتغل في المطبخ .. مب الاستقبال ..

بالضبط يعاملني على إني جاية .. من المريخ ..

قلت احنا بنقعد على الطاولة اللي عند الشباك

ما عليها حد ..

ولا تحب نطلع من المطعم عادي .. مافي مشكلة

قال " لا ما بدنا نزعلكم .. تفضلوا !!!!!!!" .. >>> ما كان من الأول ..

وقعدنا تغدينا .. وطلعنا من المطعم .. ورحنا السوق تشرينا >>>> صج حريم

ورديت من شوي ..

وقلت .. من باب التغيير .. خل احط لكم هالسالفة

بنت سيف

17/12/2009