تعبير .. يؤدي إلى سوء تقدير

ساعات الشكل يؤثر على المضمون ..
والناس الله خلقهم .. بأشكال مختلفه ..

منهم الجميل والجميل جداً .. ومنهم الشين والشين جداً ..

ومنهم العادي والنص نص .. في الشكل الخارجي ..
والشكل الجميل .. عادة يعطي انطباع جميل .. وإيجابي ..
والشكل الشين .. كذلك يعطي انطباع حذر أو غير مريح وسلبي ..
لكن تعالوا نشوف دواخلهم ..
الشخص الجميل في الشكل

.. إما يكون حلو بعد من الداخل .. أو شين النفس من الداخل ..
والشخص الشين في الشكل ..

بعد نفس الشيء ..

إما يكون حلو بعد من الداخل .. أو شين النفس من الداخل ..
والشيء نفسه ينطبق على صاحب الشكل العادي ..
يعني جميل أو شين في الشكل .. أو أي كان شكل الإنسان ..
داخله ممكن يكون حلو أو شين ..

طيب .. كيف هي حقيقة الشخص .. لما حد ياخذ عنه فكرة ..؟
الشخص الجميل ..
لوكان جميل فعلا من الداخل ..
بيكون عادي ومتواضع وغالباً خجول وشاكر وحامد ..
لكن لو كان شين من الداخل .. والانطباع عنه إنه حلو من الداخل ..
بيكون مغرور .. ويمكن يطلع سيء جداً .. مثلا كذاب وغشاش ..
والشخص الشين ..
لو كان شين من الداخل ..
بتنطبق عليه الكثير من الأمور السلبية ..
لكن لو طلع وايد جميل من الداخل ..
بيكون صادق وأمين طيب وحكيم ..
بس شكله مخرب عليه .. والناس تعطيه تقدير سيء ..

إيش الحل .. وشتبين تقولين ؟
أبغي اقول .. أن شكل الانسان أي كان .. ما يعكس دواخله ..
والحكم على أي شخص .. بناء على شكله .. قرارغير صحيح .. وممكن يكون ظالم ..
والمطلوب .. التأني في تقدير الأشخاص .. ومب الاعتماد على تعبيراتهم الشكلية .. فقط ..
درس تعلمته من الحياة ..

تحياتي
بنت سيف
1/2/2010