هو وهي :: غريبة .. إلا عجيبة ..

{.. بداية

..غريبة

غريبة .. إلا عجيبة .. !!؟؟
.. عمري ما تخيلت .. أني باوصل مرحلة اللامبالاة التامة

.. ما عاد يهم
.. باحاول اطوي الصفحة .. واتعايش مع الواقع

.. باحاول .. اغير من نفسي
.. كنت أقول ما باقدر
.. واليوم اقول .. اقدر .. واقدر

.. يمكن .. أقدر

هو :: ما أنتي حبيبتي
هي :: ما أبغي تحبني
هو :: كل شيء يتغير
هي :: ما كنت مصدقة .. إني أتغير .. بس حصل
هو :: إيش غيرج علي ..؟
هي :: أنت .. وأنت تدري
هو :: ما عاد تحبيني .. ؟
هي :: لا .. أحبك .. بس ما عاد أبغيك
هو :: ما يصير تحبيني .. وما تبغيني
هي :: هذا .. سؤالي .. غريبة .. إلا بعد عجيبة
هو :: ما عاد تبغيني .. ليش ؟
هي :: أنت خيالي الحبيب .. وحبيب خيالي
هو :: مافهمت ؟؟
هي :: ما راح تصير حقيقة
هو :: راح تتركيني
هي :: أنت اللي تركتني .. تنكر ..؟
هو :: أنا معاج كل يوم
هي :: ما أنكر .. لكن أنت معاي ومب معاي .. تغيرت علي
هو :: تقدرين تعيشين بدوني ..؟
هي :: أنا مب عايشة معاك .. بتكون دايما في خيالي
هو :: يعني بتتركيني
هي :: أنا دايماً موجودة .. وأنت تركتني

{.. نهاية
ما أنت الأولي
أنت أبوي وكل هلي
ما أبغيك .. لي .. ولي
عزيزة نفسي .. وتصعب علي

بنت سيف
24/4/2010