عشوائيات

بما أن الكتابة .. صارت صعبة علي هاليومين .. قررت اكتب عن ما يدور في رأسي من عشوائيات ..

**

قدرات كتابية

معجبة جداً بقدرات الكثير من المدونين في الكتابة ..

صراحة البعض عندهم إمكانيات كتابية رائعة

افكر كيف هم يقدرون يكتبون بهذا الإبداع

وكم أتمنى تصير عندي هذه القدرة

أنا قارئة نهمة وادخل مدونات كثيرة

وأحيانا اضع تعليقات .. ولكن أغلب الوقت استمتع بالقراءة

**

استايل المدونة

.. أحس يبغي له تغيير

طبعا البنر من تجميعي وتركيبي الشخصي

وإذا لاحظتوا .. أن حاطة ثلاث معرفات استخدمها في النت

وافكر حاليا ..

أغير الاستايل .. بس ما أبغي استايل جاهز .

أبغي استايل من تصميمي واختراعي .

وكل شوي أسوي ديزاين .. لكن ما يعجبني

**

الكتابة في المنتديات

أشارك في الكتابة في المنتديات

بس مؤخرا متوقفة عن الكتابة في كل مكان

حالة فقر كتابي

نوعية مواضيع المنتديات غير عن نوعية مواضيع المدونات

فهل يوجد من يؤيدني

**

لص المدونات

باقولكم .. على سالفة سرقة المواضيع من المدونات

ونسبها للسارق

أنا كنت فاكرة إن هالحركة تصير بس في النت

اكتشفت إن بعض كُتاب العواميد في الصجف المحلية صاروا من ضمن حرامية المدونات

الصراحة صدمة كبيرة لي

أفقدتني احترامي لهم

شخص محدد يدخل مدونتي مثلا .. ويسرق الموضوع والفكرة

**

ورودي

ما شاء الله على الصيف والرطوبة والحر

ورودي اللي خارج البيت .. تحسحسوا (احترقوا) من قلب

متى بيتغير الجو .. وبيرجعون

وزروعي اللي داخل البيت الحمدلله حلوين

كل ما بغيت اطلع من البيت وشفت الأصص وهي جافة .. عورني قلبي

وما في حل الجو مب مساعد

**

رسوماتي

من أكثر من سنة

بديت أمارس هواية الرسم

رسمت حوالي الأربعين لوحة

بعضها .. يحتاج إلى إعادة نظر

وبعضها .. لدهشتي .. طلع جميل جداً

وعلقتهم في البيت

يوما ما .. باسوي معرض

**

رسائل قصيرة

إلى أمي

الله يرحمج ويغفر لج

ويجعل مثواج الجنة

*

إلى أخواتي

الله لا يحرمني منكم

احبكم كلكم واحترمكم

*

إلى ماجد

بتبقى دايما السند والذخر

وأخوي اللي ما اقدر استغني عنه

ودرعي الواقي دوم

ودايما حبيب

*

إلى من سكن قلبي

الحب لا يغيب العقل

الإحساس والعاطفة .. سبب في تنمية الفكر

الغياب لا يقتل الحب

أحبك أمس ..

وأحبك الآن

وسأحبك دوماً

*

إلى صديقاتي

تبقون عزيزات وغاليات

بعدتوا أو قربتوا

*

إلى قرائي الأعزاء

اعتذر عن تقصيري في المدونة

فما أنا .. إلا بشر

تمر عليه .. مواقف جميلة

وأوقات أحزان

فاتوقف

ثم أعود لأسير بعد استراحة

**

اعتقد .. كفاية عشوائيات

دمتم بود جميعاً

بنت سيف

4/9/2010