البورصة .. وأنا

البورصة وأنا ..


عندي كم سهم حلوين في البورصة .. وما فكرت إني ابيعهم .. أطلع زكاتهم متى ما حل وقتها .. ومخليتهم للزمن ..

المهم بانهيار السوق العالمية .. وانحدار مؤشر الأسهم للأحمر ..

طاحت بورصتنا .. وصار المؤشر حمر ..

ولأني مجمعة كم ريال في البنك .. قلت .. فرصة .. خل اشتري لي أسهم زيادة .. وخاصة إنها نازلة عن جد ..

وقلت هالكلام في قلبي يوم الأربعاء اللي طاف..

يوم الخميس .. سبحان الله .. ارتفع مؤشر البورصة عندنا .. وارتفعت أسعار الأسهم ..

قليل البخت يلقى العظم في الكرشة على قولة إخوانا المصريين ..

لكل من يحب يعرف ليش ارتفعت الأسهم .. وصار المؤشر .. خضر

السبب .. أنا ..

بغيت اشتري أسهم .. لكن القرادة وما تسوي ..

شرأيكم استمر على نيتي وارفع لكم البورصة .. واشتري يوم الأحد ..

ولا أهون ..

نور العيسى

11/10/2008