سوء تعبير
مؤخراً .. كل شيء اقوله .. يطلع سوء تعبير
أي كلمة انطقها .. تنفهم غلط
ليش؟
عاد أنا على طول اتحسس
أي نبرة صوت غير طبيعية
أحس أني ممكن ضايقت اللي أكلمه
مع إن اللي يكلمني ممكن يضايقني بكلمة أو حركة
وابلعها .. وانا ساكتة واقول .. ما يقصد
ما أدري هو حسن ظن مني ..
أو رغبة مني في عدم خسارة الطرف الآخر على شيء بسيط
اعتقد السبب أن كلنا عندنا ضغوط يومية وحياتية ..
والضغوط ممكن تسبب حساسيات .. وسوء تعبير .. وسوء فهم
شيصير .. لو فكرنا .. نفوت ..
أنا أحب أفوت .. بس ما أدري عن غيري
الحين .. صرنا في زمان كل من .. يزعل بدون لازمة
وصرنا في زمان .. كثير من يقول .. طنش .. تعش
وين التسامح
وين الرضا
وين الحب
ما راح اطنش .. لمجرد اني اخلص المشكلة .. وكأني مب مهتمة
لكن بافوت .. لأني مهتمة .. وباقية عليهم
عزيزة نفس
27/10/2008
هل انت مسئولة عن تصرفاتك ام تصرفات الاخرين ؟
ReplyDeleteالمشكلة لديك ام لدى الاخرين ؟
لست انت فقط
وانما الكثير ممن يعانون والمفترض - عقلا ومنطقا - الا يعانون
ما هو السبب في ذلك ؟
وما الحل ؟
ذلك ما سيكون موضوع المقال القادم لي ان شاء الله
ان كان في العمر بقية وفي الوقت فسحة
لان الموضوع يطول في هذا الشأن
تحياتي
عزيزتي بنت سيف
ReplyDeleteلا تحملي نفسك فوق طاقتها
ترى بوستاتج اللي طافت في نفس الإتجاه
هونيها وتهون عزيزتي
والناس أجناس عمرهم ما راح يتعاملون بنفس الأسلوب ولا عندهم نفس الفكر وهذي من رحمة الله فينا
سوي إللي يرضي ضميرج وصيري أفضل منهم
وبأسلوبج يمكن يتغيرون
وفي ناس حساسة تجاه مواضيع معينة أو حساسة بشكل عام
تفادي النقاش معهم صدقيني لا راح يودي ولا اييب
وبذلك ترتاحين ويرتاحون وما تخسرون بعض لأسباب قد تبدو تافهة مع مرور الأيام وبعد فوات الأوان
الله يهدي سرج ويريح بالج
وأكثري من قول
"اللهم أرني الحق حقا وارزقني إتباعه, وأرني الباطل باطلا وارزقني إجتنابه"
أبي بوست فرايحي المرة الياية غصبا على الظروف الإقتصادية.. السياسية.. الإجتماعية العامة اللي تلوع الجبد هالجم يوم
:))))))
أبو لطيف ..
ReplyDeleteبالطبع أنا مسؤولة عن تصرفاتي ..
وبحسن قد يكون غير جيد .. ولكن بحسن النية
والمشكلة فيني على ما اعتقد .. لأني تصرف مني يثير الآخرين .. يجعل لهم ردة فعل غير مرغوبة ..
وعلي أن أحاول أن احتويها
متابعة لجميع ما يدور في مدونتك ..
ولكن من كثرة انبهاري .. لا أود وضع تعليق بغير مستوى مواضيعك
وكمت تعلم .. أن اسلوبك المتميز .. موضوع امتحان .. لنا في الردود
سأقرأ بالتأكيد موضوعك .. لأنني أريد الحل
شكرا لك
عزيزتي .. ين
ReplyDeleteلست كما ترين ..
أنا بكل خير ..
والبوستات مجرد تنفيس .. ليس إلا
وعلشان خاطرج
البوست الجاي
بيكون فرايحي
وفالج طيب
تحياتي
:)
:(
ReplyDeleteبعد حزن
انا اقول قلطي عندي بمدونتي وفرحي نفسك شوي عزيزتي وغاليتي
:) الدنيا ما تسوة الزعل
ولازم نضع نصب اعيننا ان الدنيا مرتفعات ومنخفضات
:)
دمتي بخير
manalq8
ReplyDeleteإن شاء الله .. القادم يكون غير الحزن
الله كريم
تحياتي