Friday, November 28, 2008

مسجاتي قديمة ..




يقول من له صافي الحب .. فرد
مسجاتي قديمة ..
حابة اكتب له فوق الود مجد
بس حيل مستليمة ..
دارية مشاعري عند القلب اللي صد
ماهي جد عظيمة ..
واشصار لا له الشعور انكتب بسرد
كيف هي جريمة ..
زاد في قلبي له البوح .. والوجد
وناطرة منه العزيمة ..
ساكت .. وحاجب عني قليل الود
ومخلي النفس ظليمة ..
كلمة إحساس .. أو رسمة ورد ..
هم لي أكبر غنيمة ..
ولهانة جيتك أترجى .. وكلي برد
دفاك .. والنية سليمة ..
بيرجع زمن المسجات .. والرد
ولا هذي هي الحريمة ..

عزيزة نفس
فتاة بسيطة
28/11/2008
Posted by at
Labels:

6 comments:

  1. أبو لطيفNovember 28, 2008 at 8:48 PM

    روعة

    تسلمين

    .....

    يا رب يا خالقي يا واحد احد
    طمن قلوب(ن) يا هي عظيمة

    مرسالهم كيف ما كان وعد
    مقبول ونعده لنا غنيمة

    والقلب اللي تحسبه صد
    تراه يترجى ولو كليمه

    ارسل مسجات من دون عدد
    دام النية عندك سليمة

    :)

    دمتي بخير

    ReplyDelete
  2. الزينNovember 28, 2008 at 11:22 PM

    عجيب البوست


    والمسجات رائعة


    مست اقصى قلبي


    :**

    ReplyDelete
  3. Yin مدامNovember 29, 2008 at 6:13 AM

    يا حلوج يا بنت سيف
    ويا حلو مسجاتج

    بس الله يعينها
    لو أنا ما أتحمل أذبح يانغ
    لوول

    تسلمين

    :))

    ReplyDelete
  4. بنت سيفNovember 29, 2008 at 11:21 PM

    أبو لطيف ..



    شكرا على الرد الطيب

    بس ارجع واقول

    مسجاتنا مالها رد .. هذا وعد
    ولا النفس رضت بالهزيمة

    لكن ما نقدر نراسل من عنا .. صد
    وتركنا المسجات للغريمة

    مرد الأيام بتبين من اللي صج .. ود
    ومن هو اللي الصدق لزيمه

    تحياتي

    ReplyDelete
  5. بنت سيفNovember 29, 2008 at 11:24 PM

    الزين


    فرحني جداً تواجدج


    هلا وغلا

    ReplyDelete
  6. بنت سيفNovember 29, 2008 at 11:26 PM

    يان ..

    تسلمين والله .. مشكورة على المرور

    ومسكين يانغ .. غايب وملايكته حاضرة

    وهو ما سوى شي ..

    ReplyDelete

Subscribe to: Post Comments (Atom)