قلب له ثمن

قلب له ثمن .. وقلب ماله ثمن .. وقلب لا يقدر بثمن
قلبي له ثمن .. عندي ..
وقلبي ماله .. ثمن عندك ..
وقلبك عندي .. لا يقدر بثمن ..

تناقضات عجبية ..
رخيص قلبي .. وغالي ..
ما قصدت يوم أحبك ..
دخلت حياتي .. ودخلت حياتك .. بطريقة عفوية ما لها تخطيط سابق ..
حملتك مشاكلي وأفكاري وسوالفي .. البايخة ساعات .. بدون استئذان ..
وبكل أدب وتفهم .. شلت عني ..

مع إني مب بس عارفة .. إلا متأكدة .. إن لايمكن في أي يوم حتى لو حبيتني .. إنك تقول .. إلا إني كنت أنانية جداً في أحلامي ..
كنت أحلم .. إنك تحبني .. لو ليوم واحد ..
كنت أحلم .. إنك تسمعني كلمة ترضي غروري .. وتروي عطشي ..
كنت أحلم .. إنك تغار علي ..
كانت أحلام .. وعيت على الحقيقة والواقع بعدها ..

أنا مرفوضة تماماً عندك ..
مجرد وحدة .. دخلت حياتك بالخطأ .. وأنت تعطف عليها ..
ما أنكر أبداً وقفتك معاي .. دأيماُ
دعمك المعنوي لي .. ماله حدود ..
أكثر شخص فاهمني ومسوي نفسه مب فاهمني .. هو أنت

لكنني حبيتك .. وللحين أحبك ..
واليوم تفآجأت بنفسي .. لما فكرت إنك ليش ما تحبتي مثل ما أحبك ..
اكتشفت .. إني ما أبغيك تحبني !!!
لا تتعجب ..
فقدت الإحساس والرغبة في أن تحبني ..
قلبي تشلخت حيطانه .. مافيه شدة ..
تأمل .. وفكر .. ولقى .. إنه أبرك له إنك ما تحبه ..

حاسة فيك وفاهمة ظروفك ..
مقدرة تعبك ومقدرة الضغط اللي عليك ..
لكن أنا بشر .. والبشر فيهم أنانية ..
وأنانيتي .. تقول لا تحبني .. علشان أحبك أكثر ..
شفت إن قلبي دفع ثمن لا يقدر ومازال بلا ثمن ..

عزيزة نفس

7/3/2009